Dómar

Karlmaður á þrítugsaldri var sakfelldur fyrir innflutning á 682,97 grömmum af sterku kókaíni í janúar 2024. Hann gekkst við innflutningi efnanna en fullyrti að þau hafi verið ætluð til eigin nota og hann staðið einn að skipulagningu, innkaupum og flutningi efnanna til landsins. Dómurinn taldi frásögn ákærða um eigin neyslu svo mikils magns af kókaíni ótrúverðuga og var hann sakfelldur fyrir innflutning þeirra til söludreifingar hér á landi í ágóðaskyni og dæmdur í 16 mánaða fangelsi.

Sakfellt og dæmd skilorðsbundin refsing vegna líkamsárásar.

Sakfellt og dæmd skilorðsbundin refsing og fallist á upptökukröfur vegna fíkniefnalagabrots. Allur sakarkostnaður var einnig felldur á ákærða.

A krafðist þess aðallega að rift yrði munnlegum samningi A og B aðila um kaup á hlutafé í einkahlutafélaginu C með vísan til vanefnda á greiðslu kaupverðs, en til vara að samningurinn yrði ógiltur með dómi vegna nánar tilgreindra ógildingarástæðna. Í dómi héraðsdóms var talið að réttur stefnanda til þess að bera fyrir sig riftun samningsins væri fallinn niður fyrir tómlæti. Þá var stefnandi ekki talinn hafa sýnt fram á að skilyrði ógildingarreglna laga nr. 7/1936 um samningsgerð, umboð og ógilda löggerninga væru uppfyllt í málinu. Var stefndi því sýknaður af kröfum stefnanda.

Sakfellt og dæmd skilorðsbundin refsing og fallist á upptökukröfur vegna fíkniefnalagabrota og vopnalagabrots.

Ákærði sakfelldur fyrir líkamsárás og dæmdur í 60 daga skilorðsbundið fangelsi og til greiðslu skaðabóta.

Ákærði sakfelldur fyrir umferðarlagabrot og dæmdur í 135 daga fangelsi og sviptur ökurétti.

Ákærði var fundinn sekur um brot í nánu sambandi og dæmdur til að sæta fangelsi í 60 daga. Með vísan til hreins sakaferils ákærða var fullnustu refsingarinnar frestað skilorðsbundið til tveggja ára.

Ákærði sakfelldur fyrir hættubrot og brot gegn lögum um brunavarnir og dæmdur í fjögurra mánaða skilorðsbundið fangelsi. Játningarmál

Ákærða var sakfelld fyrir umferðarlagabrot. Var henni gert að greiða fésekt ásamt því að vera svipt ökuréttindum.

Kona um fimmtugt var sakfelld fyrir innflutning á 18.710 töflum af MDMA (Ecstacy) og dæmd til tveggja og hálfs árs fangelsisvistar. Þótt konan hafi aðeins þjónað sem burðardýr var hér um verulegt magn af mjög hættulegum fíkniefnum að ræða.

Ákærði var sakfelldur fyrir skjalafals. Var honum gert að sæta fangesli í 30 daga, skilorðsbundið til tveggja ára.

Ákærði var sakfelldur fyrir umferðarlagabrot og brot gegn útlendingalögum.

Aðilar deildu um efndir kaupsamnings um jörð sem m.a. hafði verið notuð til ferðaþjónustureksturs. Stefnendur gerðu kröfu um fullar efndir skv. kaupsamningi, auk dráttarvaxta frá gjalddaga kröfunnar. Stefndu byggðu á því að skylda þeirra til fullra efnda skv. kaupsamningnum hefði fallið brott vegna áhrifa heimsfaraldurs af völdum Covid-19 og aðgerða stjórnvalda til að sporna við útbreiðslu faraldursins, sem hafi leitt til þess að ferðaþjónusta hafi nánast lagst af á árunum 2020 og 2021. Byggðu stefndu einkum á ólögfestri reglu kröfuréttar um force majeure, en einnig á reglu kröfuréttar um stjórnunarábyrgð. Jafnframt byggðu stefndu á 36. gr. laga nr. 7/1936 og reglunni um brostnar forsendur, sem og reglum fasteignakauparéttar um galla og kröfðust afsláttar af kaupverði og/eða lækkunar kaupverðs á grundvelli skaðabóta. Talið var að stefndu bæri að greiða eftirstöðvar samkvæmt kaupsamningi, en upphafstími dráttarvaxta var miðaður við höfðun málsins.

Ákærði var sakfelldur fyrir fíkniefnalagabrot. Var honum gert að sæta fangelsi í 24 daga, skilorðbundið til tveggja ára.

Ákærði var sakfelldur fyrir umferðarlagabrot. Var honum gert að sæta fangelsi í 5mánuði ásamt því að áréttuð var svipting ökuréttinda ákærða.

Ákærðu var gefið að sök brot gegn lögum um ávana- og fíkniefni, með því að hafa, laugardaginn 2. mars 2024, staðið að innflutningi á samtals 147,57 g af kókaíni, með 66% styrkleika, ætluðu til söludreifingar hér á landi í ágóðaskyni en fíkniefnin flutti ákærða til Íslands sem farþegi með flugi. Ákærða játaði sök fyrir dómi og fór málið eftir 164. gr. laga um meðferð sakamála nr. 88/2008.

Fallist var á að erlendum einstaklingi skyldu dæmdar bætur fyrir annars vegar handtöku og frelsissviptingu í rúmar 18 klukkustundir og hins vegar ákvörðun lögreglustjóra um að skikka hann til að dvelja á tilteknum stað innanlands í 71 dag meðan á rannsókn á sakamáli stóð þar sem einstaklingurinn naut stöðu sakbornings.

Kínversk ferðaskrifstofa krafði íslenskt vátryggingafélag um greiðslu bóta vegna umferðarslyss sem varð hér á landi. Kvaðst stefnandi hafa eignast allar kröfur tiltekinna tjónþola á hendur stefnda vegna slyssins á grundvelli kínverskra laga. Við meðferð málsins tókst stefnanda ekki að sýna fram á að hann hefði eignast kröfurnar og var stefndi því sýknaður vegna aðildarskorts stefnanda.

Ákærða var dæmdur hegningarauki fyrir kynferðislega áreitni og hótanir. Einnig var hann dæmdur til að greiða brotaþola miskabætur.