- Játningarmál
- Svipting ökuréttar
- Umferðarlagabrot
D Ó M U R
Héraðsdóms Reykjaness þriðjudaginn 5.
mars 2019 í máli nr. S-625/2018:
Ákæruvaldið
(Sonja Hjördís Berndsen
saksóknarfulltrúi)
gegn
Vilhjálmi Jakobi Jónssyni
Mál þetta, sem var tekið til dóms 1. mars 2019, höfðaði
lögreglustjórinn á höfuðborgarsvæðinu á hendur Vilhjálmi Jakobi Jónssyni, kt. 000000-0000,
[...];
,,fyrir
umferðarlagabrot, með því að hafa aðfaranótt laugardagsins 11. nóvember 2017
ekið bifreiðinni [...] undir áhrifum
áfengis (í blóði mældist vínandamagn 0,58‰) um Fjarðarhraun í Hafnarfirði, til
móts við Hjallahraun, þar sem lögregla hafði afskipti af ákærða.
Telst
brot þetta varða við 1., sbr. 2. mgr. 45. gr., sbr. 1. mgr. 100. gr.
umferðarlaga nr. 50/1987 með áorðnum breytingum.
Þess
er krafist að ákærði verði dæmdur til refsingar og til greiðslu alls
sakarkostnaðar og til að sæta sviptingu ökuréttar skv. 101. og 102. gr. laga
nr. 50/1987, sbr. 25. og 26. gr. laga nr. 44/1993, sbr. 18. gr. laga nr.
66/2006.“
Við þingfestingu málsins 1. mars 2019 kom ákærði fyrir
dóm og játaði sök. Í ljósi játningar ákærða var farið með málið samkvæmt 164.
gr. laga nr. 88/2008 um meðferð sakamála. Var málið því tekið til dóms án
frekari sönnunarfærslu eftir að sækjanda og ákærða hafði verið gefinn kostur á
að tjá sig um lagaatriði máls og ákvörðun viðurlaga.
Ákærði hefur skýlaust játað sök í málinu. Að mati dómsins
samrýmist játning hans framkomnum gögnum. Brot ákærða telst því sannað og er
réttilega heimfært til refsiákvæða í ákæru.
Ákærði er fæddur [...] og hefur tvívegis sætt refsingu
samkvæmt framlögðu sakavottorði. Ákærði gekkst undir sektargerð lögreglustjóra
7. janúar 2011 þess efnis að ákærði samþykkti greiðslu 100.000 króna sektar og
að sæta sviptingu ökuréttar í átta mánuði vegna aksturs undir áhrifum áfengis
5. desember 2010. Ákærði samþykkti greiðslu sektar að fjárhæð 220.000 krónur og
að sæta sviptingu ökuréttar í þrjú ár og sex mánuði með sektargerð
lögreglustjóra 5. mars 2014 fyrir akstur undir áhrifum áfengis og lyfja.
Að framangreindum sakaferli og broti ákærða virtu þykir
refsing hans samkvæmt dómvenju réttilega ákveðin 30 daga fangelsi.
Með vísan til framangreinds ber, í samræmi við kröfugerð
ákæruvalds og með vísan til 101. gr. og 102. gr. umferðarlaga nr. 50/1987, að
svipta ákærða ökurétti ævilangt frá birtingu dóms þessa að telja.
Á grundvelli sakfellingar ákærða, sbr. 1. mgr. 235. gr.
laga nr. 88/2008 um meðferð sakamála, verður honum gert að greiða allan
sakarkostnað málsins sem, samkvæmt framlögðu yfirliti sækjanda um slíkan
kostnað og með stoð í öðrum gögnum málsins, nemur samtals 24.255 krónum.
Margrét Halldóra Hallgrímsdóttir, aðstoðarmaður dómara,
kveður upp dóm þennan.
DÓMSORÐ:
Ákærði, Vilhjálmur Jakob Jónsson,
sæti fangelsi í 30 daga.
Ákærði er sviptur ökurétti ævilangt frá birtingu dóms
þessa að telja.
Ákærði greiði 24.255 krónur í sakarkostnað.
Margrét Halldóra
Hallgrímsdóttir