- Játningarmál
- Umferðarlagabrot
D Ó M U R
Héraðsdóms Reykjaness fimmtudaginn 7.
mars 2019 í máli nr. S-647/2018:
Ákæruvaldið
(Elín Hrafnsdóttir
aðstoðarsaksóknari)
gegn
Herði B. Bjarnasyni
Mál þetta, sem var tekið til dóms 1. mars 2019, höfðaði
lögreglustjórinn á höfuðborgarsvæðinu með ákæru 18. desember 2018 á hendur
Herði B. Bjarnasyni, kt. 000000-0000, [...];
,,fyrir
umferðarlagabrot í Reykjavík með því að hafa sunnudaginn 20. maí 2018 ekið
bifreiðinni [...] sviptur ökurétti
suður Lækjargötu og gegn rauðu ljósi á gatnamótum Lækjargötu og Bankastrætis
uns aksturinn var stöðvaður skömmu síðar.
Telst
þetta varða við 1., sbr. 2. mgr. 5. gr. og 1. mgr. 48. gr., sbr. 1. mgr. 100.
gr., umferðarlaga nr. 50/1987.
Þess
er krafist að ákærði verði dæmdur til refsingar og til greiðslu alls
sakarkostnaðar.“
Ákærði
krefst vægustu refsingar sem lög leyfa.
Við þingfestingu málsins 1. mars 2019 kom ákærði fyrir
dóm og játaði sök. Í ljósi játningar ákærða var farið með málið samkvæmt 164.
gr. laga nr. 88/2008 um meðferð sakamála. Var málið því tekið til dóms án frekari
sönnunarfærslu eftir að sækjanda og ákærða hafði verið gefinn kostur á að tjá
sig um lagaatriði máls og ákvörðun viðurlaga.
Ákærði hefur skýlaust játað sök í málinu. Að mati dómsins
samrýmist játning hans framkomnum gögnum. Brot ákærða teljast því sönnuð og eru
réttilega heimfærð til refsiákvæða í ákæru.
Samkvæmt því sem
að framan greinir um sakaferil ákærða og að brotum hans virtum, sbr. 77. gr.
almennra hegningarlaga nr. 19/1940, þykir refsing hans samkvæmt dómvenju
réttilega ákveðin fangelsi í 30 daga.
Engan sakarkostnað leiddi af rannsókn málsins eða meðferð
þess fyrir dómi.
Margrét Halldóra Hallgrímsdóttir, aðstoðarmaður dómara,
kveður upp dóm þennan.
DÓMSORÐ:
Ákærði, Hörður B. Bjarnason,
sæti fangelsi í 30 daga.
Margrét
Halldóra Hallgrímsdóttir