- Ítrekun
- Játningarmál
- Fangelsi
- Skilorðsbundnir dómar
- Þjófnaður
D Ó M
U R
Héraðsdóms Reykjavíkur 8. maí 2019 í máli nr. S-271/2019:
Ákæruvaldið
(Kristmundur Stefán Einarsson saksóknarfulltrúi)
gegn
Gheorghe Cornel Ioan Fedorca
og
Gheorghe Preda
Mál þetta, sem dómtekið var 24. apríl sl. er höfðað með ákæru, útgefinni af lögreglustjóranum á höfuðborgarsvæðinu 19. mars 2019, á hendur Gheorghe Cornel Ioan, kt. 000000-0000, [...], Reykjavík og Gheorghe Preda, kt. 000000-0000, [...], Reykjavík, fyrir þjófnað með því að hafa, föstudaginn 9. mars 2018, stolið í félagi af bar á Hótel Marina, að Mýrargötu 2 í Reykjavík, eftirtöldum vínflöskum að samtals áætluðu verðmæti 40.000 krónum:
Munanúmer: |
Lýsing: |
Fjöldi: |
460023 |
Martins Miller, 700
ml. |
1 stk. |
460024 |
Bullet Bourbon, 700
ml. |
1 stk. |
460025 |
Plantation 3 star, 700
ml. |
1 stk. |
460026 |
Duck Fat Cognat, 700
ml. |
1 stk. |
460027 |
Rose Negroni, 700 ml. |
1 stk. |
Telst brot þetta varða við 244. gr.
almennra hegningarlaga nr. 19/1940.
Þess
er krafist að ákærðu verði dæmdir til refsingar og greiðslu alls sakarkostnaðar.
Ákærðu krefjast báðir vægustu
refsingar sem lög leyfa.
Farið var með mál þetta samkvæmt
164. gr. laga nr. 88/2008 um meðferð sakamála og var það tekið til dóms án
frekari sönnunarfærslu þegar sækjanda og ákærðu hafði verið gefinn kostur á að
tjá sig um lagaatriði og ákvörðun viðurlaga.
Ákærðu
komu báðir fyrir dóminn við þingfestingu málsins og játuðu skýlaust brot sitt.
Sannað er með játningu ákærðu og öðrum gögnum málsins að ákærðu eru sekir um þá
háttsemi sem þeim er gefin að sök og er brot þeirra réttilega heimfært til
refsiákvæðis í ákæru.
Ákærði Gheorghe Cornel Ioan Fedorca er
fæddur í [...]. Samkvæmt framlögðu sakavottorði, dagsettu 11. mars 2019, var
ákærði dæmdur í 30 daga fangelsi, skilorðsbundið til tveggja ára, fyrir þjófnað
með dómi Héraðsdóms Reykjavíkur hinn 12. febrúar 2016. Þá hlaut ákærði aftur
dóm fyrir þjófnað með dómi sama dómstóls hinn 23. janúar 2017 og var þá dæmdur
í 60 daga fangelsi. Nú síðast var ákærði svo dæmdur í 60 daga fangelsi,
skilorðsbundið til tveggja ára, með dómi Héraðsdóms Reykjavíkur hinn 8.
nóvember 2017. Með broti sínu nú hefur ákærði rofið skilorð síðastnefnda
dómsins og ber því að taka upp þá refsingu og gera ákærða refsingu í einu lagi,
sbr. 60. gr. almennra hegningarlaga nr. 19/1940.
Svo
sem fyrr greinir hefur ákærði skýlaust játað brot sín og verður það virt honum
til refsimildunar. Á hinn bóginn liggur fyrir að brot hans var framið í félagi
við meðákærða Gheorghe Preda og verður því við ákvörðun refsingar jafnframt
litið til 2. mgr. 70. gr. almennra hegningarlaga nr. 19/1940. Með hliðsjón af framangreindu,
sakarefni þessa máls og greiðri játningu ákærða, þykir refsing hans hæfilega
ákveðin fangelsi í 90 daga. Að sakaferli ákærða virtum þykir ekki efni til að
skilorðsbinda refsinguna.
Ákærði
Gheorghe Preda er fæddur í [...]. Samkvæmt framlögðu sakavottorði, dagsettu 11.
mars 2019, hefur hann ekki áður gerst sekur um refsiverða háttsemi. Ákærði
játaði skýlaust brot sitt fyrir dómi og verður það virt honum til
refsimildunar. Hins vegar liggur fyrir að brot hans var framið í félagi við
meðákærða Gheorghe Cornel Ioan Fedorca og verður því við ákvörðun refsingar einnig
litið til 2. mgr. 70. gr. almennra hegningarlaga nr. 19/1940.
Með
hliðsjón af framangreindu þykir refsing ákærða hæfilega ákveðin fangelsi í 30
daga og falli hún niður að liðnum tveimur árum frá birtingu dóms þessa,
haldi ákærði almennt skilorð 57. gr. laga nr. 19/1940, sbr. 4. gr. laga nr.
22/1955.
Engan sakarkostnað leiddi af meðferð
málsins.
Af hálfu ákæruvaldsins flutti málið Haukur
Gunnarssonar saksóknarfulltrúi fyrir hönd Kristmundar Stefáns Einarssonar
saksóknarfulltrúa.
Þórhildur Líndal, aðstoðarmaður
dómara, kveður upp dóminn.
D
Ó M S O R Ð:
Ákærði, Gheorghe Cornel Ioan Fedorca, sæti fangelsi í 90 daga.
Ákærði, Gheorghe Preda, sæti fangelsi í 30 daga en fresta skal fullnustu refsingarinnar og falli hún niður að liðnum tveimur árum frá birtingu dóms þessa, haldi ákærði almennt skilorð 57. gr. laga nr. 19/1940, sbr. 4. gr. laga nr. 22/1955.
Þórhildur Líndal