- Ítrekun
- Fangelsi
- Umferðarlagabrot
D Ó M U R
Héraðsdóms Vestfjarða 14.
desember 2018 í máli nr. S-52/2018:
Ákæruvaldið
(Bryndís Ósk Jónsdóttir fulltrúi)
gegn:
Óla Jóhanni Ólasyni
I
Mál þetta, sem dómtekið var
12. desember 2018, höfðaði lögreglustjórinn á Vestfjörðum með ákæru 12. nóvember
2018 á hendur Óla Jóhanni Ólasyni, kennitala [...], [...], [...], fyrir
umferðarlagabrot, með því að hafa fimmtudaginn 8. nóvember 2018, ekið
bifreiðinni [...], um Krók á Ísafirði til norðurs, sviptur ökurétti, þar til
lögregla stöðvaði akstur hans við hús að [...].
Telst þetta varða við 1. mgr. 48. gr., sbr. 1. mgr.
100. gr. umferðarlaga nr. 50/1987, sbr. síðari breytingar.
Þess er krafist að ákærði verði
dæmdur til refsingar og greiðslu alls sakarkostnaðar. „
II
Ákærði mætti við
þingfestingu málsins og lýsti því yfir að hann óskaði ekki eftir skipun
verjanda. Ákærði viðurkenndi skýlaust að hafa gerst sekur um þá háttsemi sem
honum er gefin að sök í ákæru. Farið var með
málið samkvæmt ákvæðum 164. gr. laga um meðferð sakamála nr. 88/2008 og það
tekið til dóms án frekari sönnunarfærslu eftir að sækjandi og ákærði höfðu tjáð
sig um lagaatriði og ákvörðun viðurlaga. Játning ákærða fær fulla stoð í gögnum
málsins. Sannað er með játningu ákærða og öðrum gögnum málsins að ákærði hefur
gerst sekur um þá háttsemi sem honum er gefin að sök og er brot hans rétt
heimfært til refsiákvæða í ákæru.
III
Ákærði
er fæddur árið [...].
Samkvæmt framlögðu sakavottorði var ákærði dæmdur fyrir brot gegn 48 gr. umferðarlaga
nr. 50/1987 í febrúar síðastliðnum og gekkst undir sátt fyrir sama brot í
aprílmánuði síðastliðnum. Með broti því sem ákærði er nú sakfelldur fyrir hefur
hann því í annað sinn ítrekað verið sakfelldur fyrir akstur sviptur ökuleyfi.
Að virtum þessum sakarferli þykir refsing ákærða nú hæfilega ákveðin 30 daga
fangelsi. Með
vísan til dómvenju þykja ekki efni til að skilorðsbinda refsinguna.
Engan
sakarkostnað leiddi af máli þessu.
Bergþóra
Ingólfsdóttir dómstjóri kveður upp dóminn.
D Ó M S O R Ð:
Ákærði, Óli Jóhann Ólason sæti 30
daga fangelsi.
Bergþóra
Ingólfsdóttir