Dómar

Ákærði, sem játaði sök, dæmdur í 30 daga skilorðsbundið fangelsi fyrir vopnalagabrot.

Ákærði dæmdur í 4 mánaða fangelsi fyrir innflutning á ávana- og fíkniefnum.

Deilt var um eignarréttarlega stöðu landsvæðisins Bjarnarness á Ströndum en með úrskurði óbyggðanefndar hafði verið komist að þeirri niðurstöðu að um þjóðlendu væri að ræða. Dómurinn tók til skoðunar hvort nefndin hefði dregið forsvaranlegar ályktanir af fyrirliggjandi heimildum um svæðið og komst að þeirri niðurstöðu að stefnendur hefðu ekki sýnt fram á að Bjarnarnes teldist eignarland þeirra. Þá benti ekkert til þess að til hefðbundins afnotaréttar stefnenda hefði stofnast. Var stefndi, íslenska ríkið, því sýknaður af kröfum stefnenda.

Deilt var um eignarréttarlega stöðu Hornbjargs en með úrskurði óbyggðanefndar var komist að þeirri niðurstöðu að svæðið væri þjóðlenda. Dómurinn tók til skoðunar hvort nefndin hefði dregið forsvaranlegar ályktanir af fyrirliggjandi gögnum um bjargið og komst að þeirri niðurstöðu að það tilheyrði jörðinni Horni. Fallist var á kröfu stefnenda um ógildingu úrskurðar óbyggðanefndar að hluta og um viðurkenningu á beinum eignarrétti að hinu umþrætta landsvæði.

Ákærða ók á mann með þeim afleiðingum að hann slasaðist. Áfengi mældist í blóðsýni sem tekið var úr henni í kjölfar atviksins. Hún var sakfelld fyrir líkamsmeiðingar af gáleysi, ógætilegan akstur í grennd við gangandi vegfarendur og ölvunarakstur. Jafnframt var henni gert að greiða brotaþola miskabætur.

Ákærði, sem sótti ekki þing við þingfestingu málsins, var sakfelldur fyrir brot gegn valdstjórninni. Um var að ræða hegningarauka við eldri dóm sem var jafnframt tekinn upp og ákærða gerð refsing í einu lagi sem þótti hæfilega ákveðin 60 daga fangelsi.

Stefnandi, stéttarfélag, lét endurhanna húsnæði sem hann keypti undir starfsemi sína. Framkvæmdin var boðin út. Skömmu eftir að starfsemi hófst í húsnæðinu fór gólfefnið, parket, að belgjast upp frá gólfinu. Stefnandi stefndi hönnuði endurbótanna, seljanda gólfefnisins og verktaka að endurbótunum, sem og tryggingafélögum þeirra til greiðslu skaðabóta vegna tjónsins á gólfefninu. Talið var að hönnuðurinn, seljandi parketsins og verktakinn væru sérfræðingar, hver á sínu fagsviði. Talið var að þeim hefði öllum orðið á saknæm mistök, hverjum á sínu sérsviði og að orsakatengsl væru á milli mistaka þeirra og þess tjóns sem varð á gólfefni í húsnæði stefnanda. Fallist var á bótaskyldu þeirra sem og greiðsluskyldu tryggingarfélaganna sem höfðu selt þessum stefndu atvinnurekstrartryggingu.

Ákærði sakfelldur fyrir þjófnað í þriðja sinn. Dæmdur í 30 daga fangelsi skilorðsbundið til tveggja ára.

Stefndi dæmdur til að greiða stefnendum skaðabætur vegna þess að flugi var aflýst.

Stefnanda voru dæmdar miskabætur úr hendi stefnda vegna skorts á upplýsingagjöf vegna umsóknar um sértækt húsnæðisúrræði.

Stefndi dæmdur til að greiða stefnendum skaðabætur vegna þess að flugi var aflýst.

Stefnanda voru dæmdar miskabætur úr hendi stefnda vegna skorts á upplýsingagjöf vegna umsóknar um sértækt húsnæðisúrræði.

Ákærði var sakfelldur fyrir umferðarlaga-, fíkniefnilaga og þjófnaðarbrot. Var honum gert að sæta fangelsi í 3 mánuði ásamt því að vera sviptur ökuréttindum ævilangt.

Stefndi dæmdur til að greiða stefnanda skuld og veðréttur staðfestur.

Ákærði sakfelldur fyrir tilraun til fíkniefnalagabrots og dæmdur í fjögurra mánaða skilorðsbundið fangelsi og fíkniefni gerð upptæk.

Ákærði var sakfelldur fyrir akstur sviptur ökurétti, en hann játaði brot sitt skýlaust undir meðferð málsins. Var honum gert að sæta fangelsi í 4 mánuði.

Ákærði var sakfelldur fyrir að hafa ekið bifreið undir áhrifum vímuefna og sviptur ökuréttindum, en farið var með málið samkvæmt a-lið 1. mgr. 161. gr. laga nr. 88/2008 um meðferð sakamála. Var ákærða gert að sæta fangelsi í 60 daga, auk þess sem áréttuð var ævilöng svipting ökuréttar hans. Var honum þá einnig gert að greiða allan sakarkostnað málsins.

Ákærða var sakfelld fyrir ýmis umferðarlagabrot, m.a. akstur undir áhrifum vímuefna og akstur svipt ökurétti. Farið var með málið eftir a-lið 1. mgr. 161. gr. laga nr. 88/2008 um meðferð sakamála. Var ákærðu gert að sæta fangelsi í 75 daga, auk þess sem áréttuð var ævilöng svipting ökuréttar hennar. Þá var henni gert að greiða sakarkostnað málsins.

Ákærði var sakfelldur fyrir að hafa ekið bifreið sviptur ökurétti, en farið var með málið eftir a-lið 1. mgr. 161. gr. laga nr. 88/2008 um meðferð sakamála. Var ákærða gert að sæta fangelsi í 3 mánuði.

Stefnandi krafði stefnda um meint áunnið og ógreitt orlof sem hann taldi sig eiga inni eftir uppgjör hans og stefnda í tilefni af uppsögn hans hjá félaginu. Í dómi héraðsdóms var talið að stefnandi hefði samið upp það með undirritun uppsagnarbréfs að orlof yrði tekið út á uppsagnarfresti og að aðilum hefði verið það heimilt. Var því hafnað að hann ætti inni frekari orlofsgreiðslur úr hendi stefnda og stefndi sýknaður.