Nýir dómar

Fallist á reikninga rafverktaka fyrir vinnu við uppsetningu á verksmiðju/sérhæfðum búnaði. Til frádráttar stefnukröfum voru samþykktar kröfur stefnda til skuldajafnaðar vegna tjóns sem sannað þótti að starfsmenn verktakans höfðu valdið verkkaupa við uppsetninguna.

Ákærði sakfelldur fyrir þjófnað í þriðja sinn. Dæmdur í 30 daga fangelsi skilorðsbundið til tveggja ára.

Maður sakfelldur fyrir að beita tvö börn sín ofbeldi inn á heimili þeirra. Rauf með því skilorð. Miskabætur.

Ákærði sakfelldur fyrir að aka í sjötta sinn undir áhrifum ávana- og fíkniefna og fimmta sinn sviptur ökurétti, innan ítrekunartíma í skilningi 3. mgr. 71. gr. almennra hegningarlaga. Þá var ákærða í fjórða sinn gerð refsing fyrir vörslur fíkniefna. Gert að sæta fangelsi í 10 mánuði og ævilöng svipting ökuréttar ákærða áréttuð.

Ákærði sakfelldur fyrir að aka í þriðja sinn undir áhrifum ávana- og fíkniefna innan ítrekunartíma, neita að veita atbeina við rannsókn málsins og fyrir að aka í tvígang sviptur ökurétti.

Ákærði sakfelldur fyrir að aka sviptur ökurétti. Dómurinn var hegningarauki við dóm frá 12. september 2025.

Ákærði sakfelldur fyrir ölvunarakstur og akstur án ökurréttinda. Um var að ræða hegningarauka og ákærða ekki gerð frekari refsins en ævilöng ökuleyfissvipting áréttuð.

Ákærði sakfelldur fyrir líkamsárás og brot á barnaverndarlögum. Dæmdur í 30 daga fangelsi skilorðsbundið til tveggja ára.

Deilt um umfang og endurgjald fyrir málningarvinnu í húsi stefnda. Greinargerð stefnda um efnisvarnir komst ekki að gegn mótmælum stefnanda þar sem greinargerð stefnda sem var einungis um formhlið málsins kom of seint fram. Kröfu um frávísun málsins var hafnað á fyrri stigum en talið eftir dómtöku að málið væri vanreifað og var því vísað frá dómi.

Launakrafa gerð á hendur Hval hf. vegna þess að ekki varð úr hvalvertíð sumarið 2023 vegna ákvörðunar stjórnvalda. Stefnandi var í föstu ráðningarsambandi við stefnda Hval hf. og sá samningur raskaðist ekki vegna þessa. Ekki talinn hafa eignast sérstaka kröfu á grundvelli þess að hvalvertíð hófst ekki í júní 2023 þar sem hann áttii að gegna stöðu skipstjóra, einkum á grundvelli þess að honum var kunnugt um ákvæði í ráðningarsamningi þess efnis að ef að af hvalvertíð yrði ekki vegna ákvörðunar stjórnvalds þá félli samningurinn niður. Lög um hópuppsagnir voru ekki talin breyta þeirri niðurstöðu.

Tveir menn dæmdir í sex mánaða skilorðsbundið fangelsi. Brotið sem unnið var í sameiningu af ákærðu talið stórfellt og varða við 2. mgr. 218. gr. almennra hegningarlaga. Tekið tillit við ákvörðun refsingar til ungs aldurs ákærðu sem voru um sextán ára aldur þegar brotið var framið. Önnur atriði og atvik við brotið talin á hinn bóginn varða þyngingu refsingar.

Launakrafa gerð á hendur Hval hf. vegna þess að ekki varð úr hvalvertíð sumarið 2023 vegna ákvörðunar stjórnvalda. Ráðningarsamningur talinn hafa komist á um vinnu á vertíð í Hvalfirði. Kröfu um laun eins og af vertíðinni hefði orðið hins vegar hafnað og Hvalur hf. sýknaður vegna þess að launþegi átti ekki heldur rétt til launa á uppsagnarfresti. Lög um hópuppsagnir voru ekki talin breyta þeirri niðurstöðu.

Launakrafa gerð á hendur Hval hf. vegna þess að ekki varð úr hvalvertíð sumarið 2023 vegna ákvörðunar stjórnvalda. Ráðningarsamningur talinn hafa komist á um vinnu á vertíð í Hvalfirði. Kröfu um laun eins og af vertíðinni hefði orðið hins vegar hafnað og Hvalur hf. sýknaður vegna þess að launþegi átti ekki heldur rétt til launa á uppsagnarfresti. Lög um hópuppsagnir voru ekki talin breyta þeirri niðurstöðu.

Launakrafa gerð á hendur Hval hf. vegna þess að ekki varð úr hvalvertíð sumarið 2023 vegna ákvörðunar stjórnvalda. Ráðningarsamningur talinn hafa komist á um vinnu á vertíð í Hvalfirði. Kröfu um laun eins og af vertíðinni hefði orðið hins vegar hafnað, en samþykkt krafa um laun á uppsagnarfresti.

Launakrafa gerð á hendur Hval hf. vegna þess að ekki varð úr hvalvertíð sumarið 2023 vegna ákvörðunar stjórnvalda. Stefnandi var í föstu ráðningarsambandi við stefnda Hval hf. og sá samningur raskaðist ekki vegna þessa. Ekki talinn hafa eignast sérstaka kröfu á grundvelli þess að hvalvertíð hófst ekki í júní 2023 þrátt fyrir að ágreiningslaust væri að hann hefði hækkað til muna í launum ef af vertíð hefði orðið. Sú launhækkun hefði þá byggst á auknu vinnuframlagi hans en á grundvelli sama ráðningarsamnings og sömu launakjara. Lög um hópuppsagnir voru ekki talin breyta þeirri niðurstöðu.

Launakrafa gerð á hendur Hval hf. vegna þess að ekki varð úr hvalvertíð sumarið 2023 vegna ákvörðunar stjórnvalda. Ráðningarsamningur talinn hafa komist á um vinnu á vertíð í Hvalfirði. Kröfu um laun eins og af vertíðinni hefði orðið hins vegar hafnað, en samþykkt krafa um laun á uppsagnarfresti.

Ákærði sýknaður af ákæru vegna ólögmæts lyfjainnflutnings þar sem upplýsingar á vefsíðu Lyfjastofnunar um gildandi reglur og þar með leyfilegt magn voru rangar. Ákærði því talinn í góðri trú og huglæg skilyrði fyrir broti hafi því skort. Lyfin voru öll samkvæmt lyfseðli og ætluð til eigin nota.

Ákærða sýknuð af ákæru vegna ólögmæts lyfjainnflutnings þar sem upplýsingar á vefsíðu Lyfjastofnunar um gildandi reglur og þar með leyfilegt magn voru rangar. Ákærði því talinn í góðri trú og huglæg skilyrði fyrir broti hafi því skort. Lyfin voru öll samkvæmt lyfseðli og ætluð til eigin nota.

Brotaþoli hlaut slæmt nefbrot í áflögum m.a. við ákærða. Háttsemi ákærða ekki talin jafn alvarleg og ákæruvaldið lagði upp með í ákæru málsins og ákvörðun refsingar felld niður með skilorði.

Ákærði dæmdur til sektar og ökuleyfissviptingar fyrir að hafa stjórnað vinnuvél undir áhrifum áfengis.

Dyravörður á skemmtistað sýknaður af ákæru um líkamsárás.

Eigandi 50% hlutafjár í einkahlutafélagi sýknaður af kröfum félagsins um endurgreiðslu á kostnaði sem félagið hafði greitt fyrir hann um árabil en dæmdur til að greiða skuld við félagið samkvæmt viðskiptamannareikningi.