Nýir dómar

Ágreiningur var um hvort gagnstefndi, þ.e. stefnandi málsins, hefði vanefnt skyldur sínar samkvæmt kaupsamningi og eftir atvikum hvort leiða mætti ætlaðar vanefndir hans út frá öðrum samningum á milli aðila, og ef svo væri, hvort þær vanefndir væru svo verulegar að þær gætu réttlætt riftun aðalstefnda á kaupunum. Taldi dómurinn ekki unnt að fallast á það með aðalstefnda að gagnstefndi hefði vanefnt, eða myndi fyrirsjáanlega vanefna, samningsskyldur sínar gagnvart aðalstefnda, eða að slíkar vanefndir væru svo fyrirsjáanlegar að réttlætt gæti riftun aðalstefnda á kaupunum. Aðalstefndi var því dæmdur til útgáfu afsals að viðlögðum dagsektum að fjárhæð kr. 50.000 á dag, en gagnstefndi var sýknaður af kröfu um staðfestingu riftunar á kaupsamningi aðila. Þá var aðalstefnda gert að greiða gagnstefnanda málskostnað vegna hvoru tveggja aðalsakar og gagnsakar.

Ákærði var sakfelldur fyrir akstur sviptur ökurétti, en hann játaði brot sitt skýlaust undir meðferð málsins. Var honum gert að sæta fangelsi í 4 mánuði.

Ákærði var sakfelldur fyrir að hafa ekið bifreið undir áhrifum vímuefna og sviptur ökuréttindum, en farið var með málið samkvæmt a-lið 1. mgr. 161. gr. laga nr. 88/2008 um meðferð sakamála. Var ákærða gert að sæta fangelsi í 60 daga, auk þess sem áréttuð var ævilöng svipting ökuréttar hans. Var honum þá einnig gert að greiða allan sakarkostnað málsins.

Ákærða var sakfelld fyrir ýmis umferðarlagabrot, m.a. akstur undir áhrifum vímuefna og akstur svipt ökurétti. Farið var með málið eftir a-lið 1. mgr. 161. gr. laga nr. 88/2008 um meðferð sakamála. Var ákærðu gert að sæta fangelsi í 75 daga, auk þess sem áréttuð var ævilöng svipting ökuréttar hennar. Þá var henni gert að greiða sakarkostnað málsins.

Ákærði var sakfelldur fyrir að hafa ekið bifreið sviptur ökurétti, en farið var með málið eftir a-lið 1. mgr. 161. gr. laga nr. 88/2008 um meðferð sakamála. Var ákærða gert að sæta fangelsi í 3 mánuði.

Ákærði var sakfelldur fyrir að hafa ekið bifreið sviptur ökurétti og undir áhrifum vímuefna. Var honum gert að sæta fangelsi í 5 mánuði, auk þess sem áréttuð var ævilöng svipting ökuréttar ákærða og honum gert að greiða allan sakarkostnað málsins.

Ákærði sakfelldur fyrir akstur sviptur ökurétti ævilangt og óhæfur til að stjórna bifreiðinni örugglega vegna áhrifa ávana- og fíkniefna. Dæmdur í 9 mánaða fangelsi og ævilöng ökuréttarsvipting áréttuð.

Ákærði var sakfelldur fyrir brot gegn 1. mgr. 106. gr. almennra hegningarlaga nr. 19/1940, en hann hafði játað brot sitt skýlaust undir meðferð málsins. Var honum gert að sæta fangelsi í 30 daga, skilorðsbundið til tveggja ára.

Ákærði var sakfelldur fyrir brot gegn 1. mgr. 218. gr. almennra hegningarlaga nr. 19/1940, en hann hafði játað brot sitt skýlaust við aðalmeðferð málsins. Var honum gert að sæta fangelsi í 3 mánuði, skilorðsbundnum til tveggja ára. Þá var honum jafnframt gert að greiða 800.000 krónur í miskabætur, ásamt vöxtum og dráttarvöxtum, sem og allan kostnað sem leiddi af meðferð málsins.

Ákærði var sakfelldur fyrir brot gegn 1. mgr. 106. gr. almennra hegningarlaga nr. 19/1940, en útivist varð af hálfu ákærða í málinu og var því farið með það eftir a-lið 1. mgr. 161. gr. laga nr. 88/2008 um meðferð sakamála. Var ákærða gert að sæta fangelsi í 30 daga, skilorðsbundið til tveggja ára.

Ákærði sakfelldur og dæmdur í 20 mánaða fangelsi, að frádreginni gæsluvarðhaldsvist, fyrir tilraun til stórfellds fíkniefnabrots og peningaþvætti. Upptaka fjármuna.

Ákærði dæmdur til refsingar vegna fíkniefnabrots og til að sæta upptöku efna, áhalda og tækja.

Tveir menn sakfelldir fyrir þjófnað og peningaþvætti.

Ákærða var sakfelld fyrir umferðarlagabrot og gert að sæta fangelsi í 30 daga.

Ákærði var sakfelldur m.a. fyrir hótanir og umferðar- og siglingarlagabrot og dæmdur í 30 daga skilorðsbundið fangelsi, til greiðslu sektar og sviptingar ökuréttar í 3 ár og skipstjórnarréttindum í þrjá mánuði.

Ákærði var sakfelldur fyrir akstur sviptur ökurétti og gert að sæta fangelsi í 60 daga.