Dómar

Hafnað var miskabótakröfu einstaklings vegna bréfs, sem embætti landlæknis hafði ritað samtökunum Geðhjálp, en þar kom meðal annars fram að einstaklingurinn væri kominn í ótímabundið leyfi frá störfum sem deildarstjóri réttar- og öryggisgeðdeildar Landspítala.

Stefnandi gerði kröfu um viðurkenningu á rétti hans til frekari bóta á hendur stefnda tryggingafélagi vegna afleiðinga umferðarslyss, sbr. heimildir til endurupptöku samkvæmt 11. gr. skaðabótalaga nr. 50/1993. Til stuðnings kröfu sinni byggði stefnandi aðeins á matsgerð er hann aflaði einhliða og án samráðs við stefnda í þessu skyni. Með vísan til dómafordæma þótti þessi framgangsmáti fela í sér ótæka sönnunarfærslu af hálfu stefnanda og var málinu vísað frá dómi.

Ákærði sakfelldur fyrir að aka, í tvígang, bifreið sviptur ökurétti

Íslenska ríkið var sýknað af kröfu stefnanda um að felldur yrði úr gildi úrskurður kærunefndar útlendingamála.

Kaupendur einbýlishúss höfðuðu skaðabótamál á hendur seljendum hússins og löggiltum fasteignasala sem hafði milligöngu um kaupin. Seljendur höfðuðu á móti mál á hendur kaupendum og kröfðust 5.000.000 króna lokagreiðslu samkvæmt kaupsamningi gegn útgáfu afsals. Málin voru sameinuð og dæmd í einu lagi. For svo að kaupendur voru sýknaðir að svo stöddu af kröfum seljenda þar sem ekki var búið að efna þann hluta kaupsamnings er laut að viðgerðum á steinvegg á lóðarmörkum við nágrannahús. Seljendur voru talin bera hlutlæga ábyrgð gagnvart kaupendum vegna gáleysis fasteignasalans við upplýsingagjöf um fasteignina, en ekki stofnaðist þó til skaðabótaskyldu seljenda þar sem fasteignasalinn hafði lögboðna starfsábyrgðartryggingu fasteignasala. Var hann því einn dæmdur til að greiða kaupendum tæpar 9.000.000 króna í skaðabætur og 2.500.000 krónur í málskostnað. Dómkrafa kaupenda var sú að þeim yrði bætt ríflega 15.000.000 króna fjártjón.

Íslenska ríkið var sýknað af kröfu stefnanda um að felldur yrði úr gildi úrskurður kærunefndar útlendingamála um synjun á endurupptöku á máli hans.

Ákærði sakfelldur fyrir umferðar- og fíkniefnalagabrot. Dæmdur til greiðslu sektar og sviptur ökurétti tímabundið. Upptaka á fíkniefnum. Hegningarauki að hluta.

Ákærði sakfelldur fyrir brot gegn umferðarlögum. Dæmdur í 6 mánaða fangelsi og ævilöng svipting ökuréttar áréttuð.

Ákærði var sakfelldur fyrir umferðar- og fíkniefnalagabrot. Var honum gert að sæta fangelsi í 3 mánuði ásamt því að vera sviptur ökurétti ævilangt. Voru fíkniefni gerð upptæk.

Kaupandi fasteignar krafðist skaðabóta vegna galla á fasteign. Málatilbúnaður kaupandans um ætlað tjón var vanreifaður og var kröfum hans vísað frá dómi án kröfu. Seljandi fasteignarinnar hafði höfðað gagnsök í málinu og krafðist greiðslu eftirstvöða kaupverðsins úr hendi kaupandans. Sú krafa var tekin til greina.

Ákærða var sakfelld fyrir brot gegn valdstjórninni.

Máli vísað frá dómi.

Ákærði dæmdur fyrir umferðarlagabrot.

Stefndi var sýknaður af kröfu stefnenda um endurgreiðslu hluta af þeim vöxtum sem þau höfðu greitt af láni samkvæmt skuldabréfi sem þau tóku hjá stefnda og bar breytilega vexti sem stefndi lækkaði tíu sinnum á lánstímanum sem varði í 18 mánuði. Ekki var fallist á að skilmáli skuldabréfsins sem fjallaði um aðferð stefnda við að breyta vöxtunum væri í andstöðu við 2. málslið 1. mgr. 34. gr. laga nr. 18/2016 um húsnæðislán til neytenda og væri af þeim sökum ógildur, sbr. 36. gr. og 36. gr. c í lögum nr. 7/2936 um samningsgerð, umboð og ógilda löggerninga. Talið var jafnframt ósannað stefnendur hefðu orðið fyrir fjárhagstjóni eða sætt lakari kostum en aðrir lántakendur hjá stefnda.

Ákærðu dæmd fyrir brot gegn lögum um ávana- og fíkniefni.

Ákærði var fundinn sekur um eignaspjöll og honum gert að sæta fangelsi í 30 daga, en fullnustu refsingarinnar var frestað skilorðsbundið til tveggja ára. Einkaréttarkröfu brotaþola var vísað frá dómi vegna vanreifunar.

Ákærði sakfelldur fyrir umferðarlagabrot og dæmdur í 15 daga fangelsi. Hegningarauki við fyrri dóm.

Ákærði sakfelldur fyrir vörslu fíkniefna í söluskyni, fyrir brot gegn lögum um bann við tilteknum frammistöðubætandi efnum og lyfjum. og peningaþvætti

Ákærði var sakfelldur fyrir umferðarlagabrot og gert að sæta fangelsi í 30 daga ásamt því að áréttuð var ævilöng svipting ökuréttar ákærða. Var dómurinn hegningarauki við fyrri dóm.

Ákærði sakfelldur fyrir sérstaklega hættulega líkamsárás, húsbrot og eignaspjöll og dæmdur í átta mánaða skilorðsbundið fangelsi og til greiðslu miskabóta.