- Ávana- og fíkniefni
- Fangelsi
- Svipting ökuréttar
- Umferðarlagabrot
- Útivist
- Ökuréttarsvipting
D Ó M U R
Héraðsdóms
Reykjavíkur 11. apríl 2018 í máli nr.
S-636/2017:
Ákæruvaldið
(Jóhann
Svanur Hauksson aðstoðarsaksóknari)
gegn
Herði
Hákoni Jónssyni
Mál
þetta, sem dómtekið var í dag, er höfðað með ákæru, útgefinni af
lögreglustjóranum á höfuðborgarsvæðinu 7. nóvember 2017, á hendur Herði Hákoni Jónssyni, kt. 000000-0000,
[--], Reykjavík, fyrir eftirtalin umferðarlagabrot á árinu 2017 í Reykjavík með
því að hafa:
I.
Sunnudaginn 25. júní ekið bifreiðinni [--] sviptur
ökurétti um Suðurhlíð við Fossvogskirkjugarð uns aksurinn var stöðvaður skömmu
síðar.
II.
Aðfaranótt laugardagsins 5. ágúst ekið bifreiðinni [--]
sviptur ökurétti norður Snorrabraut við bensínstöð ÓB uns aksturinn var
stöðvaður skömmu síðar.
III.
Fimmtudaginn 24. ágúst ekið bifreiðinni [--] sviptur
ökurétti og óhæfur um að stjórna henni örugglega vegna áhrifa ávana- og
fíkniefna (í blóði mældist tetrahýdrókannabínól 1,6 ng/ml) vestur Bústaðaveg
við Grensásveg uns aksturinn var stöðvaður skömmu síðar.
Þess
er krafist að ákærði verði dæmdur til refsingar, til greiðslu alls
sakarkostnaðar og til sviptingar ökuréttar skv. 101. og 102. gr. nefndra
umferðarlaga, sbr. 25. gr. laga nr. 44/1993 og 18. gr. laga nr. 66/2006
Ákærði
sótti ekki þing við þingfestingu málsins og hafði ekki boðað forföll en hafði
verið birt ákæra og fyrirkall með birtingu í Lögbirtingablaði 20. febrúar sl. Verður
málið dæmt samkvæmt heimild í a-lið 1. mgr. 161. gr. laga nr. 88/2008 um
meðferð sakamála enda var þess getið í fyrirkallinu að þannig gæti farið um
meðferð málsins.
Með vísan til framanritaðs og til
rannsóknargagna málsins telst framangreind háttsemi sönnuð og er hún rétt
heimfærð til refsiákvæða í ákæru.
Ákærði
er fæddur í maí 1976. Samkvæmt framlögðu sakavottorði, dagsettu 26. október
2017, gekkst hann undir sektarrefsingu með lögreglustjórasátt vegna
fíkniefnaaksturs, 31. júlí 2013 og aftur með dómi Héraðsdóms Reykjavíkur,
uppkveðnum 7. september 2016, vegna sams konar brots.
Með
hliðsjón af framangreindu, dómaframkvæmd og 77. gr. almennra hegningarlaga nr.
19/1940 þykir refsing ákærða hæfilega ákveðin fangelsi í 30 daga.
Með vísan til lagaákvæða í ákæru, einkum
3. mgr. 101. gr. umferðarlaga, er ákærði sviptur ökurétti ævilangt frá birtingu
dóms þessa að telja.
Ákærði
greiði 138.909 krónur í sakarkostnað.
Lilja
Rún Sigurðardóttir, aðstoðarmaður dómara, kveður upp dóminn.
D
Ó M S O R Ð:
Ákærði, Hörður Hákon Jónsson, sæti fangelsi í 30 daga.
Ákærði
er sviptur ökurétti ævilangt frá birtingu dómsins að telja.
Ákærði
greiði 138.909 krónur í sakarkostnað.
Lilja Rún Sigurðardóttir