Nýir dómar

Ákærði var fundinn sekur um hegningar- og umferðarlagabrot og honum gert að sæta fangelsi í 60 daga, en fullnustu refsingarinnar var frestað skilorðsbundið til tveggja ára. Ákærða var jafnframt gert að greiða sekt og hann dæmdur til greiðslu þess sakarkostnaðar er af málinu leiddi. Ekki þóttu efni til að gera ákærða frekari sviptingu ökuréttar.

Ákærði var fundinn sekur um ávana- og fíkniefnabrot, sem og peningaþvætti og var honum gert að sæta fangelsi í átta mánuði, en fullnustu refsingarinnar var frestað skilorðsbundið til tveggja ára. Þá var ákærða gert að sæta upptöku á efnum og munum, auk greiðslu sakarkostnaðar. Þá var kröfu ákærða um frávísun á hluta sakarefnis hafnað.

Stefndi var sýknaður af bótakröfu stefnanda, þar sem ekki þótti sýnt að stefnendur hefðu orðið fyrir meira tjóni af völdum jarðskjálfta árið 2008 sem stefnda bæri að bæta en þegar hafi verið bætt af hálfu stefnda og forvera hans.

Ákærði var fundinn sekur um fíkniefnalagabrot og peningaþvætt og honum gert að sæta fangelsi í 60 daga, en fullnustu refsingarinnar var frestað skilorðsbundið til tveggja ára. Þá voru gerð upptæk fíkniefna og fjármunir.

Ákærði var fundinn sekur um líkamsárás, nytjastuld og umferðarlagabrot og honum gert að sæta fangelsi í 60 daga, en fullnustu refsingarinnar var frestað skilorðsbundið til tveggja ára. Þá var ákærða jafnframt gert að greiða sekt og hann sviptur ökurétti.

Ákærði var fundinn sekur um vörslur og ræktun fíkniefna og honum gert að sæta fangelsi í 60 daga, en fullnustu refsingarinnar var frestað skilorðsbundið til tveggja ára. Þá var ákærða gert að sæta upptöku fíkniefna og búnaðar og hann dæmdur til greiðslu sakarkostnaðar.

Ákærði var fundinn sekur um þjófnað og honum gert að sæta fangelsi í 30 daga, en fullnustu refsingarinnar var frestað skilorðsbundið til tveggja ára.

Ákærði var fundinn sekur um ítrekaðan akstur sviptur ökurétti og var honum gert að sæta fangelsi í 30 daga.

Ákærði var fundinn sekur um ítrekaðan ölvunarakstur og akstur sviptur ökurétti. Var honum gert að sæta fangelsi í 30 daga, jafnframt sekt og hann sviptur ökurétti ævilangt.

Ákærði var fundinn sekur um fíkniefnalagabrot, þar með talið ræktun fíkniefna, og honum gert að sæta fangelsi í 60 daga, en fullnustu refsingarinnar var frestað skilorðsbundið til tveggja ára.

Ákærði var fundinn sekur um líkamsárás og honum gert að sæta fangelsi í 30 daga, en fullnustu refsingarinnar var frestað skilorðsbundið.

Ákærða var fundin sek um ítrekaðan akstur undir áhrifum fíkniefna sem og akstur svipt ökurétti. Var henni gert að sæta fangelsi í fimm mánuði og áréttuð ævilöng svipting ökuréttar.

Stefndi var sýknaður af kröfu stefnanda um greiðslu skuldar, þar sem sýnt þótti að meginhluti kröfu stefnanda hefði verið fallinn niður vegna fyrningar er málið var höfðað, og það sem eftir stæði næmi ekki hærri fjárhæð en innborganir er draga skyldi frá kröfu stefnanda samkvæmt kröfugerð hans sjálfs.

Stefndi var dæmdur til að greiða stefnanda bætur vegna ólögmætrar uppsagnar en öðrum kröfum hans var hafnað. Við mat á fjárhæð bóta var litið til þess að stefnandi bar sönnunarbyrði fyrir tjóni sínu en hann varð ekki við áskorun um að leggja fram upplýsingar um laun sín hjá nýjum vinnuveitanda eða aðrar tekjur samkvæmt staðgreiðsluskrá ríkisskattstjóra. Var litið til þess að stefnandi fékk annað starf skömmu eftir að honum var sagt upp en þó álitið sem svo að ætla mætti að hann hafi orðið fyrir einhverju tjóni vegna starfsmissis auk þess sem óljóst var hvort hann naut launa eða hvort honum voru greidd laun í orlofi um sumarið.

Ákærði var fundinn sekur um ítrekaðan akstur undir áhrifum fíkniefna. Var honum dæmdur hegningarauki við eldri dóm og gert að sæta fangelsi í 15 daga. Þá var áréttuð ævilöng svipting ökuréttar ákærða og honum gert að greiða sakarkostnað./p

Stefnda var gert að greiða stefnanda skaðabætur vegna uppsagnar á starfi. Sýnt þótti að uppsögnin hafi verið í brýnni andstöðu við ákvæði kjarasamnings og þannig hafi stefndi bakað sér bótaskyldu gagnvart stefnanda.